ប៉ូតង់ស្យែល និង ថាមពលប៉ូតង់ស្យែលអគ្គិសនី
សំណូរ និង លំហាត់
- កាលណា បន្ទុក q ផ្លាស់ទី ពីចំណុច M ( ដែលមានប៉ូតង់ស្យែល VM ) ទៅចំណុច N (ដែលមានប៉ូតង់ស្យែល VN ) ។ តើកម្មន្តនៃកម្លាំងអគ្គិសនីមានកន្សោមដូចម្តេច ?
- តើកម្មន្តនៃដែនអគ្គិសនី អាស្រ័យនឹងគន្លងដែលបន្ទុកអគ្គិសនី ផ្លាស់ទី ដែរឬ ទេ ?
- តើកម្មន្តនៃដែនអគ្គិសនី អាស្រ័យទៅនឹងអ្វីខ្លះ ?
- តើថាមពលប៉ូតង់ស្យែលអគ្គិសនីកំណត់តាមទំនាក់ទំនងដូចម្តេច ?
- ចុរអ្នកឲ្យនិយមន័យ ប៉ូតង់ស្យែលអគ្គិសនីត្រង់ចំនុចមួយនៃដែន ?
- ប៉ូតង់ស្យែលអគ្គិសនី ត្រង់ចំណុចមួយ បង្កើតដោយបន្ទុកអគ្គិសនី ឲ្យតាមរូបមន្តដូចម្តេច ?
- តើប៉ូតង់ស្យែលអគ្គិសនី ជាទំហំអ្វី ? វាមានតម្លៃវិជ្ជមាន នៅពេលណា ហើយមានតម្លៃ អវិជ្ជមាន នៅពេលណា ?
- ចូរអ្នកឲ្យនិយមន័យ ផលសងប៉ូតង់ស្យែល អគ្គិសនីរវាងពីរចំនុច នៃដែន ?
- តើប៉ូតង់ស្យែលអគ្គិសនី និង ផលសងប៉ូតង់ស្យែលអគ្គិសនី មានខ្នាតដូចគ្នាដែរ ឬទេ ?
- តើ ដែនអគ្គិសនី និង ប៉ូតង់ស្យែលអគ្គិសនី ត្រង់ចំណុចមួយនៃអន្តន មានតម្លៃដូចម្តេច ?
- តើគេធ្វើដូចម្តេច ដើម្បីកំណត់តម្លៃប៉ូតង់ស្យែលអគ្គិសនី ត្រង់ចំណុចមួយនៃដែន ?
- ក្នុងករណី កម្លាំងអគ្គិសនី ជាកម្លាំងចលករ តើថាមពលប៉ូតង់ស្យែលកើនឡើង ឬ ថយចុះ ? ព្រោះអ្វី ?
- ដូចម្តេច ដែលហៅថា ផ្ទៃអេគីប៉ូតង់ស្យែល ?
- តើ ផ្ទៃអេគីប៉ូតង់ស្យែល នៃដែនអគ្គិសនីឯកសណ្ឋានជាអ្វី ?
- តើផ្ទៃស្វ៊ែលោហៈមួយ ផ្ទុកបន្ទុកអគ្គិសនី អាចចាត់ទុកជាផ្ទៃអេគីប៉ូតង់ស្យែល ដែរឬ្ទេ ?
- តើផ្ទៃបន្ទះលោហៈពីរដាក់ស្របគ្នា ផ្ទុកបន្ទុកអគ្គិសនីដែលមានតម្លៃដាច់ខាតស្មើគ្នា និង មានសញ្ញាផ្ទុយគ្នា អាចចាត់ទុកជាផ្ទៃអេគីប៉ូតង់ស្យែលដែរឬទេ ? ព្រោះអ្វី ?
- បន្ទុកអគ្គិសនីមួយ ផ្លាស់ទីក្នុងដែនអគ្គិសនី ដែលមានផលសងប៉ូតង់ស្យែល V=300V បានបំពេញកម្មន្តបាន 1J ។ គណនាតម្លៃនៃបន្ទុកអគ្គិសនីនោះ ?
- គណនាផលសងប៉ូតង់ស្យែលរវាងពីរចំនុច A និង B នៃដែន គិតជា V បើកម្មន្តដែលធ្វើឲ្យបន្ទុកអគ្គិសនី q = 6 ×10-18 C ផ្លាស់ទីពី ចំនុច A ទៅ B នៃដែន ស្មើ 2 ×10-6 J ។
- គណនាកម្មន្តនៃដែនអគ្គិសនីដែលធ្វើឲ្យបន្ទុក q = 5×10-5 C ផ្លាស់ទី ពី A ទៅ B ដែលមានផលសងប៉ូតង់ស្យែល V = 1200V ។
- គេមានបន្ទះលោហៈពីរ A និង Bដាក់ស្របគ្នា ។ គេផ្ទុកបន្ទះទាំងពីរក្រោមតង់ស្យុង VAB = 500V ។ គណនាកម្មន្តនៃដែនអគ្គិសនីដែលធ្វើឲ្យក/ អ៊ីយ៉ុង Cu2+
ផ្លាស់ទីពីបន្ទះ A ទៅ B ។
ខ/ អ៊ីយ៉ុង Cl - ផ្លាស់ទី បន្ទះ A ទៅ B ។
- នៅត្រង់កំពូល A, B,C ,D នៃការេ ABCD ដែលមានជ្រុង a=30cm គេដាក់ជាបន្តបន្ទាប់នូវបន្ទុកអគ្គិសនី q1= +2×10-9 C ; q2=+3×10-9C ; q3 = - 10-9C ; q4=+4×10-9C ។ គណនាប៉ូតង់ស្យែលនៅត្រង់ផ្ចិត O នៃការេ ។
- គណនាបម្រែបម្រួលថាមពលប៉ូតង់ស្យែល នៃបន្ទុកអគ្គិសនី q = 2.2×10-6C ឬ q' = - 1.1×10-6C ផ្លាស់ទីពីចំនុច A ទៅ B បើគេឲ្យបំរែបំរួលប៉ូតង់ស្យែលអគ្គិសនី ΔV = VB – VA = 24V ។
- គណនាប៉ូតង់ស្យែលនៅត្រង់ចំនុច A នៃដែន បើបន្ទុកអគ្គិសនី q=+10×10-9C ផ្លាស់ទី ពី A ទៅ អន្តន ហើយកម្មន្តដែលបានបំពេញ WAà∞= 5×10-7J ។
- គណនាកម្មន្តនៃដែនអគ្គិសនី ដែលធ្វើឲ្យបន្ទុកអគ្គិសនី q=+2×10-6C ផ្លាស់ទី ពី A ដែលមានប៉ូតង់ស្យែល VA=300V ទៅ អន្តន ។
ចម្លងពីសៀវភៅរូបវិទ្យា ថ្នាក់ទី ១១
ដោយលោក គ្រូ អៀម ភារៈ
ទំនាក់ទំនង ៖ 089 503046 / 069 863917 , phierak@gmail.com
Post a Comment